Мэдээ - DataLife Engine

Шийдвэр гүйцэтгэгчийн сонгон шалгаруулалт зарлаж байна

admin — Fri, 25 Oct 2024 13:22:06 +0800

ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГЫН 2024 ОНЫ ҮЙЛ АЖИЛЛАГААНД ХЭРЭГЛЭГЧИЙН ҮНЭЛГЭЭ ХИЙХ СОНГОН ШАЛГАРУУЛАЛТАД УРЬЖ БАЙНА

admin — Wed, 09 Oct 2024 13:20:55 +0800

Монгол Улсын Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”, Засгийн газрын Хэрэг эрхлэх газрын даргын 2017 оны 302 дугаар тушаалаар баталсан “Хэрэглэгчийн үнэлгээний ерөнхий удирдамж”-ийн дагуу Шүүхийн шийдвэр гүйцэтгэх ерөнхий газрын 2024 оны үйл ажиллагаанд хэрэглэгчийн үнэлгээ хийх хөндлөнгийн байгууллагыг сонгох нээлттэй сонгон шалгаруулалтад оролцохыг урьж байна.

Зорилго:

Шүүхийн шийдвэр гүйцэтгэх байгууллагын бодлогын баримт бичгийн үр дүн, үр нөлөөг судлах, тус байгууллагаас үзүүлж буй үйлчилгээний чанар, хүртээмж, шуурхай байдалд үнэлгээ хийж, цаашид хэрэгжүүлэх үйл ажиллагаа, бодлого төлөвлөлтийг сайжруулахад чиглэнэ.

Хэрэглэгчийн үнэлгээ хийх байгууллагад тавих шаардлага:

Судалгаа болон үнэлгээний чиглэлээр үйл ажиллагаа явуулдаг хуулийн этгээд байх;
Судалгаа болон үнэлгээний чиглэлээр 3-аас доошгүй жил ажилласан туршлагатай байх, хэрэглэгчийн үнэлгээ хийж байсан туршлагатай бол давуу тал болно;
Хүний нөөцийн чадавхтай байх;
Үнэлгээг удирдамжид заасан хугацаанд хийж гүйцэтгэх чадвартай байх.

Хэрэглэгчийн үнэлгээний байгууллагын бүрдүүлэх баримт бичиг:

Үнэлгээ хийх сонирхлоо илэрхийлсэн албан бичиг;
Техникийн санал: Хэрэглэгчийн үнэлгээг өмнө нь хийж байсан туршлага, түүврийг сонгох, мэдээлэл цуглуулах арга зүй, хэрэглэгчийн үнэлгээг гүйцэтгэх ажлын төлөвлөгөө, багийн бүтэц, бүрэлдэхүүн, туршлага, товч намтар;
Санхүүгийн санал;
Байгууллагын танилцуулга: Улсын бүртгэлийн гэрчилгээ, байгууллагын гүйцэтгэсэн ижил төстэй төслийн туршлага, танилцуулга, байгууллагын менежментийн чадавх, нөөц гэх мэт.

Хэрэглэгчийн үнэлгээ хийх сонгон шалгаруулалтын материал авах байршил:

Сонгоншалгаруулалтын материалыг 2024 оны 10 дугаар сарын 07-ны өдрөөс 2024 оны 10 дугаар сарын 18-ны өдийн 17:00 цаг хүртэл доорх хаягаар хүлээн авна.

Шүүхийн шийдвэр гүйцэтгэх ерөнхий газар, Чингэлтэй дүүрэг, Бага тойруу 13/1

Хуульчдын гудамж Улаанбаатар- 210646

И-мэйл: info@cd.gov.mn, Утас: 976-51-266369

“ХАРУУЛ ХАМГААЛАЛТЫН АЖИЛТАН” БЭЛТГЭХ СУРГАЛТАД СУРАЛЦАЖ, ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГАД АЖИЛЛАХЫГ УРЬЖ БАЙНА

admin — Fri, 13 Sep 2024 13:20:09 +0800

Шүүхийн шийдвэр гүйцэтгэх байгууллагын ахлагч бүрэлдэхүүний сул орон тоог нөхөх, нөөц бүрдүүлэх зорилгоор “Харуул хамгаалалтын ажилтан” бэлтгэх сургалтад суралцах хүсэлтэй иргэдийг бүртгэх, сонгон шалгаруулах ажлыг зохион байгуулж байна.

Бүртгэлийг Шүүхийн шийдвэр гүйцэтгэх ерөнхий газар, хотын бүсийн болон орон нутаг дахь харьяа хорих анги, шүүхийн шийдвэр гүйцэтгэх газар, хэлтэс, салбар нэгжүүдэд 2024 оны 08 дугаар сарын 21-ний өдрөөс 2024 оны 10 сарын 11-ний өдрийг хүртэл хугацаанд явагдана.

Тавигдах ерөнхий шаардлага:

Шүүхийн шийдвэр гүйцэтгэх байгууллагад ажиллахыг сайн дураар хүссэн, 18 насанд хүрсэн Монгол улсын иргэн байх;
Монгол хэлний ярианы болон бичгийн чадвартай байх, /Монгол хэл бичгийн дүрэм, үг зүй, найруулга зүйн зохих мэдлэгтэй/;
Гэмт хэрэг үйлдэж, ял шийтгүүлж байгаагүй;
Сэтгэцийн өвчин эмгэггүй;
Бүрэн дунд түүнээс дээш боловсролтой байх;

Тавигдах тусгай шаардлага:

Бие бялдрын зөв хөгжилтэй, 170 см-ээс доошгүй өндөртэй, 35 хүртэлх насны эрэгтэй, 160 см-ээс доошгүй өндөртэй, 30 хүртэлх насны эмэгтэй.
Байгууллагад нэн шаардлагатай төрөл мэргэжлийн /эмнэлгийн мэргэжилтэн, цахилгаанчин, радио холбоо, мэдээлэл технологийн инженер, D, E ангиллын жолооч гэх мэт/ албан тушаалд насны хязгаар заахгүй.
Шүүхийн шийдвэр гүйцэтгэх байгууллагын алба хаагчийн сахилга, ёс зүйг сахиж, тогтвор суурьшилтай, хариуцлагатай ажиллах, нөхцөл байдлыг зөв үнэлж, шийдвэр гаргах, багаар ажиллах, иргэдтэй зөв боловсон харьцах ур чадвар эзэмшсэн, хувийн зохион байгуулалт сайтай, ажлын ачаалал даах чадвартай байх.

Шүүхийн шийдвэр гүйцэтгэх байгууллагад ажиллахыг хүссэн иргэд дээр дурдагдсан ерөнхий болон тусгай шаардлагыг хангасан тохиолдолд хүсэлт гарган бүртгэл, судалгаанд хамрагдана.

Бүртгэл:

Орон нутагт байгаа иргэд тухайн нутаг дэвсгэрийн харьяа хорих анги, шүүхийн шийдвэр гүйцэтгэх газарт хүсэлт гаргах;
Хотын бүсийн иргэд Шүүхийн шийдвэр гүйцэтгэх ерөнхий газрын Захиргааны удирдлагын газрын Соён гэгээрүүлэх, сургалт, судалгааны хэлтэст хандан хүсэлт гарган бүртгэл, судалгаанд тус тус хамрагдана.

Бүртгэл явагдах хугацаа:2024.08.21-ний өдрөөс 2024.10.11-ний өдрийг хүртэл бүртгэл явагдана.

Бүрдүүлэх материалын жагсаалт:

Ажилд орохыг хүссэн өргөдөл /өөрийн гараар бичсэн байх/
Хувь хүний намтар /Хувь хүний намтар бичих санамжийн дагуу өөрийн болон эцэг /эх/, өвөг эцэг /эмэг эх/-ийн намтар/
Төрсний гэрчилгээний хуулбар, төрсний бүртгэлийн лавлагаа /e-mongolia/
Иргэний үнэмлэхний хуулбар, иргэний үнэмлэхний лавлагаа /e-mongolia/
Боловсролын үнэмлэх, дипломны хуулбар, лавлагаа /e-mongolia/
Эрүүл мэндийн үзлэгт орсон хуудас /Нэгдсэн байдлаар зохион байгуулна/
Оршин суугаа баг, хорооны тодорхойлолт /e-mongolia/
Урьд ажиллаж байсан байгууллагын ажил байдлын тодорхойлолт /цэргийн байгууллагад ажиллаж байсан бол цолны лавлагаа/
Төрийн албан хаагчийн анкет (Төрийн албаны зөвлөлийн 2022 оны 600 дугаар тогтоолоор баталсан “Төрийн албан хаагчийн анкет”-ын дагуу бүрэн бичсэн байх)
Нийгмийн даатгалын болон хөдөлмөрийн дэвтэр, лавлагаа /e-mongolia/
Цээж зураг /4х6 хэмжээтэй 4 хувь, 3х4 хэмжээтэй 4 хувь/
Эмнэлгийн мэргэжилтэн мэргэжлийн үйл ажиллагаа эрхлэх зөвшөөрөл
Цэргийн алба хаасан талаарх архивын лавлагаа, цэргийн үүрэгтний үнэмлэхний хуулбар
Иргэний эрүүгийн хариуцлага хүлээж байгаа эсэх тухай тодорхойлолт /e-mongolia/
Иргэний эрүүгийн хариуцлага хүлээж байсан эсэх тодорхойлолт /e-mongolia/
Шүүхийн шийдвэрээр бусдад өр төлбөргүй эсэх тодорхойлолт /e-mongolia/
Гэрлэлтийн баталгааны хуулбар, лавлагаа /e-mongolia/
Сэтгэцийн эрүүл мэндийн үндэсний төвөөс сэтгэц шалгуулсан хуудас
Сурагчийн хувийн хэргийн хуулбар

Суралцахыг хүссэн иргэдийн анхаарах зүйлс. Үүнд:

Шалгаруулалтад орохоор бүртгүүлж байгаа иргэд өөрийнхөө тухай үнэн зөв мэдүүлэх үүрэгтэй бөгөөд шаардлагатай тохиолдолд нэмэлт материалыг гаргуулан авна.

“ТӨРИЙН ЦЭРГИЙН БОЛОН ХУУЛЬ САХИУЛАХ БАЙГУУЛЛАГЫН АХЛАГЧ НАРЫН ЧУУЛГА УУЛЗАЛТ” АМЖИЛТТАЙ ҮРГЭЛЖИЛЖ БАЙНА

admin — Fri, 06 Sep 2024 13:17:52 +0800

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулагдаж буй “Төрийн цэргийн болон хууль сахиулах байгууллагуудын ахлагч нарын нэгдсэн чуулга уулзалт” 2 дох өдрөө амжилттай үргэлжилж байна.

Чуулганы өнөөдрийн үйл ажиллагаанд Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх, Монгол Улсын Шадар сайд С.Амарсайхан, Батлан хамгаалахын сайд С.Бямбацогт, Хууль зүй, дотоод хэргийн сайд О.Алтангэрэл, Зэвсэгт хүчний Жанжин штабын дарга, хошууч генерал С.Ганбямба, төрийн цэргийн болон хууль сахиулах байгууллагын дарга нар, холбогдох албаныхан оролцлоо.

Энэ үеэр төрийн цэргийн болон хууль сахиулах байгууллагуудын ахлагч нарын дунд зохион байгуулсан “Шилдэг бүлэг” шалгаруулах уралдааны шагналыг гардуулсан бөгөөд тус тэмцээнд Шүүхийн шийдвэр гүйцэтгэх байгууллагын бүлэг амжилттай оролцож, гуравдугаар байрт шалгарсан юм.

Шагналыг өнөөдөр /2024.09.06/ Хууль зүй, дотоод хэргийн сайд О.Алтангэрэл гардуулан өглөө.

Мөн үеэр төрийн цэргийн болон хууль сахиулах байгууллагуудын төлөөлөгч ахлагч нар тулгамдаж буй асуудал, шийдвэрлэх арга замын талаар панел хэлэлцүүлэг өрнүүлсний зэрэгцээ “Шинийг санаачлагч-Бүтээлч ахлагч” уралдаанд оролцсон бүтээлүүдээр үзэсгэлэн дэлгэж, олон нийтэд танилцууллаа.

ХУУЛЬ ЗҮЙ, ДОТООД ХЭРГИЙН САЙД О.АЛТАНГЭРЭЛ ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗРЫН ХАРЬЯА ЦАГДАН ХОРИХ 461 ДҮГЭЭР ХААЛТТАЙ АНГИЙН ҮЙЛ АЖИЛЛАГААТАЙ ТАНИЛЦЛАА

admin — Fri, 06 Sep 2024 13:15:58 +0800

Хууль зүй, дотоод хэргийн сайд О.Алтангэрэл, Төрийн нарийн бичгийн дарга Н.Мягмар, Төрийн захиргааны удирдлагын газрын дарга Г.Болормаа, Бодлогын хэрэгжилтийг зохицуулах газрын дарга Л.Нямгэрэл, Санхүү, хөрөнгө оруулалтын газрын дарга Д.Гантуяа нар өнөөдөр /2024.09.05/ Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хаалттай ангийн үйл ажиллагаа болон Хууль сахиулах байгууллагын ажилтан, алба хаагчдын орон сууцны хотхоны барилгын ажлын явцтай биечлэн танилцлаа.

ЗҮҮН БҮСИЙН АХЛАГЧ НАРЫН ЧУУЛГА УУЛЗАЛТ ӨНӨӨДӨР ЭХЭЛЛЭЭ

admin — Fri, 06 Sep 2024 13:13:18 +0800

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулагдаж буй “Төрийн цэргийн болон хууль сахиулах байгуулл агын зүүн бүсийн ахлагч нарын чуулга уулзалт” Дорнод аймагт өнөөдөр /2024.09.05/ эхэллээ.

Төрийн цэргийн болон хууль сахиулах байгууллагын ахлагчийн албаны эрх зүйн орчин, нийгмийн хамгааллыг сайжруулж, мэдлэг, ур чадвар, итгэл үнэмшлийг дээшлүүлэх, ахлагчийн албыг сурталчлан таниулах зорилгоор зохион байгуулж буй зүүн бүсийн чуулганд Хэнтий, Сүхбаатар, Дорнод аймгийн ахлагч нар оролцож байна.

СҮХБААТАР АЙМАГ ДАХЬ ШҮҮХИЙН ШИЙДВЭР ГҮЙЦЭТГЭХ ГАЗРЫН БИЕ БҮРЭЛДЭХҮҮН БРИГАДЫН ГЕНЕРАЛ Д.БАТЖАРГАЛЫГ ХҮЛЭЭН АВЧ, УУЛЗАЛТ ЗОХИОН БАЙГУУЛЛАА

admin — Tue, 16 Apr 2024 14:47:50 +0800

Шүүхийн шийдвэр гүйцэтгэх ерөнхий газрын харьяа Сүхбаатар аймаг дахь Шүүхийн шийдвэр гүйцэтгэх газраас Монгол Улсад “Генерал” цол олгож эхэлсний 80 жилийн ой, “Монгол генералын өдөр”-ийг тохиолдуулан Шүүхийн шийдвэр гүйцэтгэх ерөнхий газрын даргаар ажиллаж байсан бригадын генерал Д.Батжаргалд хүндэтгэл үзүүлж, “Бид таны үргэлжлэл” чөлөөт уулзалт зохион байгууллаа.

Уулзалтын үеэр бригадын генерал Д.Батжаргал Шүүхийн шийдвэр гүйцэтгэх байгууллагын түүхэн замнал, өөрийн ажил, амьдралын туршлагаас хуваалцаж, алба хаагчдын асуусан асуултад хариулж, шүүхийн шийдвэрийг хэлбэрэлтгүй хэрэгжүүлж, хүний эрхийг хангах хүндтэй бөгөөд хариуцлагатай албанд нь амжилт хүслээ.

Алба хаагчдад өөрийн дурсамж, туршлагаа хуваалцаж, үнэ цэнтэй зөвлөгөө, мэдээлэл өгсөн бригадын генерал Д.Батжаргал Танд талархал илэрхийлж, эрүүл энх, сайн сайхныг хүсэн ерөөе.

ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГЫН ХЭМЖЭЭНД ЭНЭ ДОЛОО ХОНОГТ ӨРНӨСӨН ҮЙЛ ЯВДЛЫН ФОТО ТОЙМ

admin — Sun, 14 Apr 2024 14:46:19 +0800

ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГЫН АВАРГА ШАЛГАРУУЛАХ “СПОРТЫН ОЛОН ТӨРӨЛТ ТЭМЦЭЭН”-ИЙ ШИЛДГҮҮД ТОДОРЛОО

admin — Sat, 13 Apr 2024 14:44:10 +0800

Шүүхийн шийдвэр гүйцэтгэх байгууллагын нийт бие бүрэлдэхүүний дунд жил бүр уламжлал болгон зохион байгуулдаг “Спортын 6 төрөлт тэмцээн”-ий шигшээ тоглолтууд 2024 оны 04 дүгээр сарын 10-13-ны өдрүүдэд амжилттай зохион байгуулагдаж, өндөрлөлөө.

Тэмцээний хаалтын үйл ажиллагаанд Шүүхийн шийдвэр гүйцэтгэх ерөнхий газрын даргын зөвлөлийн гишүүд болон харьяа хорих анги, байгууллага, салбар, нэгжийн дарга нар оролцож, шилдгээр шалгарсан баг тамирчдад шагнал гардуулж, амжилт хүслээ.

Тус тэмцээнд 44 хорих анги, байгууллага, салбар, нэгжийн 520 гаруй тамирчин оюун ухаан, хурд хүч, авхаалж самбаагаа сорин өрсөлдсөн юм.

Тэмцээний эмэгтэй шатрын төрөлднэгдүгээр байрт Өмнөговь аймаг дахь Шүүхийн шийдвэр гүйцэтгэх газрын архив, бичиг хэргийн ажилтан, дэд ахлагч Г.Номин;
хоёрдугаар байрт Сургалт, судалгааны 403 дугаар анги-Шүүхийн шийдвэр гүйцэтгэх албаны сургуулийн сонсогч, Б.Одонтуяа;
гуравдугаар байрт 415 дугаар нээлттэй, хаалттай хорих ангийн нийгмийн ахлах ажилтан, ахлах дэслэгч М.Мядагбадам;

Эрэгтэй шатрын төрөлд нэгдүгээр байрт 421 дүгээр нээлттэй хорих ангийн хамгаалалтын ажилтан, дэд ахлагч Ө.Батбаяр;
хоёрдугаар байрт Цагдан хорих 461 дүгээр хаалттай ангийн шүдний эмч, хошууч Ж.Дорждагва;
гуравдугаар байрт Өвөрхангай аймгийн Хархорин сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих ангийн ахлах төлөөлөгч, ахмад Г.Түвшинтөрд;

Ширээний теннисний эмэгтэй төрөлд нэгдүгээр байрт405 дугаар хаалттай хорих ангийн нягтлан бодогч И.Энхтунгалаг;
хоёрдугаар байрт Цагдан хорих 461 дүгээр хаалттай ангийн нярав, ахлах ахлагч И.Эрдэнэчимэг;
гуравдугаар байрт421 дүгээр нээлттэй хорих ангийн нийгмийн ажилтан, ахлах дэслэгч Д.Мэндбаяр;
Ширээний теннисний эрэгтэй төрөлд нэгдүгээр байрт Цагдан хорих 461 дүгээр хаалттай ангийн хамгаалалтын ажилтан, дэд ахлагч Ч.Эрдэнэбаяр;
Хоёрдугаар байрт Хөвсгөл аймаг дахь Шүүхийн шийдвэр гүйцэтгэх газрын шийдвэр гүйцэтгэгч, ахмад Б.Наранбаяр;
гуравдугаар байрт Завхан аймаг дахь Шүүхийн шийдвэр гүйцэтгэх газрын хамгаалалтын ажилтан, дэд ахлагч Т.Золжаргал;
Дартсын эмэгтэй төрөлд нэгдүгээр байрт Дорнод аймаг дахь Шүүхийн шийдвэр гүйцэтгэх газрын шийдвэр гүйцэтгэгч, ахлах дэслэгч Н.Билгүүн;
Хоёрдугаар байрт441 дүгээр нээлттэй хорих ангийн нярав, дэд ахлагч Б.Халиунаа;
гуравдугаар байрт Булган аймаг дахь Шүүхийн шийдвэр гүйцэтгэх газрын шийдвэр гүйцэтгэгч, ахмад Ч.Даариймаа;
Дартсын эрэгтэй төрөлд нэгдүгээр байрт Дорнод аймаг дахь Шүүхийн шийдвэр гүйцэтгэх газрын Дүрс бичлэгийн хяналтын ажилтан, дэд ахлагч Н.Баттүшиг;
хоёрдугаар байрт Баян-Өлгий аймаг дахь Шүүхийн шийдвэр гүйцэтгэх газрын хамгаалалтын ажилтан, ахлагч Ш.Маргулан;
гуравдугаар байрт Сургалт, судалгааны 403 дугаар анги-Шүүхийн шийдвэр гүйцэтгэх албаны сургуулийн дамжааны захирагч, хошууч З.Мягмардорж;
Туухайөргөлтийн эмэгтэй -65 кг төрөлд нэгдүгээр байрт Тусгай ажиллагааны газрын бүлгийн офицер, дэслэгч Л.Ангараг;
хоёрдугаар байрт 409 дүгээр хаалттай хорих ангийн тооцооны нягтлан бодогч, дэслэгч Ж.Цэвэлмаа;
гуравдугаар байрт Цагдан хорих 461 дүгээр хаалттай ангийн хамгаалалтын ажилтан, дэд ахлагч Б.Баасансүрэн;
Туухайөргөлтийн эмэгтэй +65 кг төрөлднэгдүгээр байрт Говь-Алтай аймаг дахь Шүүхийн шийдвэр гүйцэтгэх газрын тогооч, дэд ахлагч Ч.Баасандорж;
хоёрдугаар байрт Цагдан хорих 461 дүгээр хаалттай ангийн хамгаалалтын ажилтан, дэд ахлагч Н.Нямтуяа;
гуравдугаар байрт 427 дугаар нээлттэй, хаалттай хорих ангийн хамгаалалтын ажилтан, ахлах ахлагч Б.Мөнх-Оргил;

Туухай өргөлтийн эрэгтэй -80 кг төрөлд нэгдүгээр байрт 409 дүгээр хаалттай хорих ангийн хамгаалалтын ажилтан, дэд ахлагч Д.Худабек;
хоёрдугаар байрт Шүүхийн шийдвэр гүйцэтгэх ерөнхий газрын аюулгүй байдал хариуцсан мэргэжилтэн, ахмад Д.Нямтулга;
гуравдугаар байрт Дорнод аймаг дахь Шүүхийн шийдвэр гүйцэтгэх газрын дүрс бичлэгийн хяналтын ажилтан, дэд ахлагч Г.Төмөрбаатар;
Туухай өргөлтийн эрэгтэй +80 кг төрөлд нэгдүгээр байрт 427 дугаар нээлттэй, хаалттай хорих ангийн хамгаалалтын ажилтан, дэслэгч Д.Хүдэрбулга;
хоёрдугаар байрт Завхан аймаг дахь Шүүхийн шийдвэр гүйцэтгэх газрын төлөөлөгч, ахлах дэслэгч Э.Жамъянпүрэв;
гуравдугаар байрт Согтуурах, мансуурах донтой өвчтөнг албадан эмчлэх, албадан хөдөлмөр хийлгэх газрын хамгаалалтын ажилтан, ахлах ахлагч Ц.Алтансүх;
Сагсан бөмбөгийн эмэгтэй төрөлд нэгдүгээр байрт Цагдан хорих 461 дүгээр хаалттай ангийн баг тамирчид;
хоёрдугаар байрт Нийслэлийн шүүхийн шийдвэр гүйцэтгэх газрын баг тамирчид;
гуравдугаар байрт 427 дугаар нээлттэй, хаалттай хорих ангийн баг тамирчид;
Сагсан бөмбөгийн эрэгтэй төрөлд нэгдүгээр байрт Дархан-Уул аймаг дахь Шүүхийн шийдвэр гүйцэтгэх газар-445 дугаар нээлттэй хорих ангийн баг тамирчид;
хоёрдугаар байрт Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих ангийн баг тамирчид;
гуравдугаар байрт 433 дугаар хаалттай хорих ангийн баг тамирчид;

Волейболын эмэгтэй төрөлд нэгдүгээр байрт 427 дугаар нээлттэй, хаалттай хорих ангийн баг тамирчид;
хоёрдугаар байрт Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих ангийн баг тамирчид;
гуравдугаар байрт 407 дугаар нээлттэй, хаалттай хорих ангийн баг тамирчид;

Волейболын эрэгтэй төрөлд нэгдүгээр байртЦагдан хорих 461 дүгээр хаалттай ангийн баг тамирчид;
хоёрдугаар байрт Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих ангийн баг тамирчид;
гуравдугаар байрт Завхан аймаг дахь Шүүхийн шийдвэр гүйцэтгэх газрын баг тамирчид;
Волейболын тэмцээний эмэгтэй шилдэг тоглогчоор427 дугаар нээлттэй, хаалттай хорих ангийн холбоочин, ахлах ахлагч Ч.Энхтайван;
Волейболын тэмцээний эрэгтэй шилдэг тоглогчоор Ховд аймаг дахь Шүүхийн шийдвэр гүйцэтгэх газар-457 дугаар нээлттэй, хаалттай хорих ангийн ээлжийн дарга, дэслэгч Б.Гүрбазарсад;
Сагсан бөмбөгийн тэмцээний эмэгтэй шилдэг тоглогчоорЦагдан хорих 461 дүгээр хаалттай ангийн хамгаалалтын ажилтан, дэд ахлагч Б.Ариунболор;
Сагсан бөмбөгийн тэмцээний эрэгтэй шилдэг тоглогчоорДархан-Уул аймаг дахь Шүүхийн шийдвэр гүйцэтгэх газар-445 дугаар нээлттэй хорих ангийн хамгаалалтын ажилтан, ахлах ахлагч Э.Энхтүвшин;
Байгууллагын нэгдсэн дүнгээр нэгдүгээр байрт нэгдүгээр байрт Цагдан хорих 461 дүгээр хаалттай анги;
хоёрдугаар байрт 427 дугаар нээлттэй, хаалттай хорих анги;
гуравдугаар байрт Дорнод аймаг дахь Шүүхийн шийдвэр гүйцэтгэх газар тус тус шалгарлаа.
Шалгарсан баг тамирчдадаа баяр хүргэж, амжилт хүсье.

БРИГАДЫН ГЕНЕРАЛ Ц.АМГАЛАНБАЯРЫГ ХҮЛЭЭН АВЧ, УУЛЗАЛТ ЯРИЛЦЛАГА ЗОХИОН БАЙГУУЛЛАА

admin — Thu, 11 Apr 2024 14:43:20 +0800

Монгол Улсад “Генерал” цол олгож эхэлсний 80 жилийн ой, “Монгол генералын өдөр”-ийг угтан Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хаалттай анги Шүүхийн шийдвэр гүйцэтгэх ерөнхий газрын дарга асан, бригадын генерал Ц.Амгаланбаярыг урьж уулзалт ярилцлага зохион байгууллаа.

Уулзалтын үеэр бригадын генерал Ц.Амгаланбаяр өөрийн ажил, амьдралын туршлагаас хуваалцаж, алба хаагчдын асуултад хариулж, Монгол Улсын дотоод аюулгүй байдлыг сахин хамгаалах, хуулийн хүчин төгөлдөр шүүхийн шийдвэрийг хэрэгжүүлэх хүндтэй бөгөөд хариуцлагатай албанд нь амжилт хүслээ.

Алба хаагчдад өөрийн дурсамж, туршлагаа хуваалцаж, үнэ цэнтэй зөвлөгөө, мэдээлэл өгсөн бригадын генерал Ц.Амгаланбаяр танд талархал илэрхийлж, эрүүл энх, сайн сайхан бүхнийг хүсэн ерөөе.