Ахмад ажилтан

Бэлтгэл дэд хурандаа Жамсрангийн Ваанчиг нь 1946 оны 02 дугаар сарын 06-ны өдөр Сэлэнгэ аймгийн Хушаат сумын нутаг “Шанд цохио” гэдэг газар малчин ард Санжингийн 3 дугаар хүү болон төрсөн, бага насаа эцэг эхийн гар дээр өнгөрүүлсэн, одоо Сэлэнгэ аймгийн Мандал сум Тарни баг Дарьт тосгонд амьдарч байна. Шүүхийн шийдвэр гүйцэтгэх байгууллагад ажиллах ажлын гараагаагаа анх 1970-1972 онд Хүмүүжил-Хөдөлмөрийн колонид хүмүүжүүлэгчээр орж ажилласан байна.

1972-1974 онд тус ангидаа нярав,1974-1976 онд мөн ангидаа хүмүүжүүлэгч,1976-1977 онд харуулын байцаагч,1977-1987 онд ээлжийн офицер,1987 онд Бэрлэгийн хорих ангид намын үүрийн нарийн бичгийн дарга, 1988 онд Хорих 411 дүгээр ангид хүний тоо бүртгэлийн байцаагч, 1990-1991 онд боловсон хүчин хариуцсан даргын туслах, 1992 онд арга зүйч, 1992-1993 онд Хорих 411 дүгээр ангид дэд захирал,

1993-1998 онд Хорих 433 дугаар ангид сургалт-хүмүүжил эрхэлсэн дэд дарга, үйлдвэрийн даргаар ажиллаж байгаад 1999 онд цэргийн алба хаагчийн байнгын тэтгэвэрт гарсан. 2000 онд дэд хурандаа цолыг сэргээж Хорих 433 дугаар ангид үйлдвэрийн даргаар 2014 он хүртэл ажиллаж байгаад тэтгэвэртээ гарсан.

Back to top button